Toshkent metropolitenining “Yunusobod” yo‘li ikkinchi bosqichi hamda yer usti halqa metro yo‘lining birinchi bosqichi 2020-yil martida, Sergelidagi metro yo‘li esa sentabrda foydalanishga topshiriladi. Bu Prezident Shavkat Mirziyoyev tomonidan 9-yanvar kuni tasdiqlangan 2020—2022-yillarga mo‘ljallangan Investitsiya dasturida belgilab qo‘yilgan, deya xabar bermoqda “Gazeta.uz”.
Yunusoboddagi metroning davomini qurish loyihasining umumiy qiymati 103,8 million dollarni tashkil etadi. Yo‘lning davomida “Turkiston” va “Yunusobod” bekatlari qurilmoqda. Yangi yo‘nalishning uzunligi 2,9 kilometr. Dastlabki reja bo‘yicha, bu yo‘l 2019-yil oxirigacha ishga tushishi kerak edi.
Mavzuga doir:
- “O‘zbekiston temir yo‘llari” AJ yangi metro bekatlarining 28-dekabrda foydalanishga topshirilmasligini bildirdi
- Yunusobodda qurilayotgan metro bekatlaridan biriga “Quruvchilar” nomini berish taklif qilindi
- “Oybek va Davronbek tog‘alarimning o‘g‘illari edi”. Metro qurilishida halok bo‘lganlarning ikki nafari qarindosh ekani tasdiqlandi
Sergelidagi metro yo‘lining qurilish qiymati 82,7 million dollarni tashkil etadi, uzunligi 7,1 kilometr. Oltita bekat faoliyat olib boradigan yangi yo‘nalish Sergeli tumanini poytaxtning boshqa tumanlari bilan bog‘laydi. Yo‘nalish “Chilonzor” yo‘lining “Olmazor” bekatiga borib ulanadi. Avvalroq ushbu yo‘nalish 2020-yilgi Navro‘z bayrami arafasida foydalanishga topshirilishi aytilgan edi.
Izoh (0)