Марказий банк келаси ҳафта икки марта давлат қисқа ва ўрта муддатли облигациялари чиқарилишини маълум қилди.
Облигациялар миллий валютада Ўзбекистон валюта биржасига жойлаштирилади. Облигацияларнинг номинал қиймати ўзгармаган бўлиб, бир миллион сўмни ташкил этади.
Марказий банк 14 январь, сешанба куни умумий қиймати 250 миллиард сўмлик жами 250 минг дона облигациялар чиқаради. Йиллик фоиз ставкаси 16 фоиз, муомала даври 180 кунни ташкил этади.
17 январь, жума куни чиқарадиган облигацияларнинг умумий қиймати эса 200 миллиард сўм (жами 200 минг дона облигация чиқарилади)ни ташкил этади. Уларнинг йиллик фоиз ставкаси 16 фоиз. Шу куни чиқариладиган ўрта муддатли облигациялар Молия вазирлиги томонидан 365 кун муддатда биржага жойлаштирилади.
Изоҳ (0)