Futbol bo‘yicha Angliya chempionatining 22-turidan o‘rin olgan 11-yanvar, shanba kungi o‘yinlarning dastlabkisi o‘z yakuniga yetdi.
“Kristal Pelas” London derbisida “Arsenal” bilan bahs yuritdi. Uchrashuvning 12-daqiqasida Pyer-Emerik Obameyang “kanonirlar”ning kombinatsiyasini muvaffaqiyatli yakunladi.
54-daqiqada Jordan Ayyu hisobni tenglashtirishga erishdi, uning zarbasidan keyin to‘p “Arsenal” futbolchisi David Luizga tegib darvozadan o‘rin oldi. Uchrashuvning 65-daqiqasida Obameyang mezbonlar futbolchisiga nisbatan qo‘pol harakat qildi, natijada hakam videotakrorlardan so‘ng gabonlik futbolchini chetlatdi.
Qolgan vaqtda hisob o‘zgarmadi va “Arsenal” 28 ochko bilan 10-o‘rinda qoldi. “Pelas” esa (29) 9-pog‘onada bormoqda.
APL
22-tur bahsi
11-yanvar, shanba
“Kristal Pelas” — “Arsenal” 1:1
Gollar: 0:1 — 12 Obameyang, 1:1 — 54 Ayyu.“Kristal Pelas”: Guaita, Keyhill, Kelli, Tomkins, Ridevald, Makkarti, Mayer (To‘sun, 68), Kuyate, Makartur, Zaa, Ayyu.
“Arsenal”: Leno, David Luiz, Kolashinats, Papastatopulos, Meytlend-Naylz, Torreyra (Genduzi, 46), Jaka, O‘zil (Martinelli, 70), Pepe, Lyakazett (Nelson, 90), Obameyang.
Ogohlantirishlar: Pepe (44), Meytlend-Naylz (51), Makkarti (71), Tomkins (85), Lyakazett (90).
Chetlatish: Obameyang (67).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)