Ispaniyaning Paradores de turismo de Espana kompaniyasi Samarqand va Buxoroda mehmonxonalar qurish imkoniyatini ko‘rib chiqmoqda. Bu haqda O‘zbekiston Turizmni rivojlantirish davlat qo‘mitasi raisi vazifasini vaqtincha bajaruvchi Abdulaziz Aqqulov va Paradores mehmonxonalar tarmog‘i vakillari bilan uchrashuvda ma’lum bo‘lgan.
Turizmni rivojlantirish davlat qo‘mitasi xabariga ko‘ra, Ispaniya vakillari bilan uchrashuv davomida qadimiy shaharlarda Paradores mehmonxonalari muqobiliga mos ikki obyekt — Samarqanddagi Ashratxona hamda Buxorodagi Tosh saroy alohida qayd etildi.
“Tarixiy mehmonxonalar”ni yaratish jarayoni quyidagicha: kompaniya dastlab me‘moriy yodgorliklarning asl ko‘rinishini tiklaydi, so‘ng ularni mehmonxonalarga aylantiradi.
Uchrashuv yakuniga binoan O‘zbekiston tomon Ispaniya kompaniyasi bilan qo‘shma loyihalarni amalga oshirishda ko‘maklashishga tayyor ekanligini bildirgan.
Izoh (0)