Iqtisodiy tadqiqotlar markazi O‘zbekistonning YeOIIga a’zo bo‘lishining biznesga foydasi haqida tadqiqot o‘tkazdi

9-yanvar kuni O‘zbekiston milliy universitetida Prezident Administratsiyasi huzuridagi iqtisodiy tadqiqotlar va islohotlar markazi respublikaning Yevrosiyo iqtisodiy ittifoqiga a’zo bo‘lishining biznesga ta’sirini baholash bo‘yicha o‘tkazgan tadqiqoti taqdim etdi. Bu haqda Spot xabar berdi.

Iqtisodiy tadqiqotlar va islohotlar markazi ushbu mavzu ustida 2019-yilning noyabr oyidan boshlab tadqiqot o‘tkazayotgan edi.

Bu iqtisodiy modellashtirish va iqtisodiy tahlil usullari yordamida amalga oshiriladi. Tadqiqot natijalari bo‘yicha hisobot tayyorlandi.

“O‘zbekistonning Yevrosiyo iqtisodiy ittifoqiga a’zo bo‘lishi o‘zbek mahsulotlarini ittifoq mamlakatlari bozorlariga chiqish to‘siqlarini va eksportchilar uchun tegishli xarajatlarni sezilarli darajada kamaytirishi mumkin.

Ittifoqni kengaytirish, ushbu tashkilotning boshqa mamlakatlar bilan erkin savdo zonalarini tashkil etish o‘zbek eksportini ushbu mamlakatlar bozorlariga chiqarishni osonlashtiradi”, — deydi markaz Obid Hakimov.

Iqtisodiy maqsadga muvofiqligi nuqtai nazaridan Yevrosiyo iqtisodiy ittifoqiga a’zo bo‘lish O‘zbekiston biznesiga foydali bo‘lishi qayd etildi.

Mahalliy ishlab chiqaruvchilar bir necha mamlakat bozoriga teng kirish imkoniyatiga ega bo‘ladi, mehnat migrantlari uchun shart-sharoitlar yaxshilanadi, Rossiya investitsiya resurslari va texnologiyalariga kirish imkoniyatiga ega bo‘ladi.

Qayd etilganidek, ittifoqqa a’zo bo‘lgan taqdirda O‘zbekiston yagona bojxona tarifi amal qiladigan yagona bojxona makonining bir qismi bo‘ladi.

Bundan tashqari, yuklarni etkazib berish logistikasi yaxshilanadi va chegaralardagi ortiqcha talab va to‘siqlarni bartaraf etish tufayli qishloq xo‘jaligi mahsulotlarini yetkazib berish muddati kamayadi.

Bularning barchasi O‘zbekiston meva-sabzavot va qayta ishlangan qishloq xo‘jaligi mahsulotlari eksportini ko‘paytirishga xizmat qiladi.

Respublika tarmoqlarini modernizatsiya qilish ishlari amalga oshiriladi. Yevrosiyo iqtisodiy ittifoqi mamlakatlari bozorlarida qayta ishlangan mahsulotlarning eksport salohiyatining samarali amalga oshirilishi kutilmoqda.