Eronning Kirmon shahrida amerikalik harbiylar tomonidan o‘ldirilgan Islomiy inqilob muhofizlari korpusi generali Qosim Sulaymoniyning dafn marosimi boshlandi, deya xabar bermoqda Press TV telekanali.
Qosim Sulaymoniy bilan vidolashuv marosimi 7-yanvar kuni boshlangan, marosim vaqtida shahar ko‘chalariga minglab odamlar chiqishi oqibatida tiqilinch yuz berib, 56 kishi halok bo‘lgan edi. Dafn marosimi mahalliy vaqt bilan 14:00—16:00 oralig‘ida shahidlar qabristonida bo‘lib o‘tishi kerak edi, biroq general bilan vidolashish istagidagilarning ko‘pligi bois, marosim boshqa sanaga qoldirilgan edi.
Qosim Sulaymoniy 3-yanvar kuni, AQShning Bag‘dod aeroporti yaqinidagi marraga aviazarba berishi oqibatida halok bo‘lgan edi. Tehron o‘z generalining o‘limi uchun AQShdan o‘ch olishga va unga “qaqshatqich zarba” berishga va’da bergan. 8-yanvarga o‘tar kechasi Eron AQShning Iroqdagi harbiy obyektlariga hujum qilgani ma’lum bo‘ldi. Hozircha ushbu hujumlar oqibatida halok bo‘lganlar haqida ma’lumotlar yo‘q.
Izoh (0)