Eron raketa kuchlari yuqori jangovar shaylik holatiga o‘tkazildi. Bu haqda ismini oshkor qilishni istamagan amerikalik amaldorga tayanib, Reuters xabar berdi. U raketalar biror-bir obyektga qaratilgan yoki qaratilmaganini ochiqlamagan.
“Ular yuqori jangovar shay holatda. Bu hujum uchunmi yoki himoya uchun? Ayni vaqtda bunisi noma’lum”, — deydi manba. Uning so‘zlariga ko‘ra, AQSh vaziyatni diqqat bilan nazorat qilmoqda.
AQSh davlat kotibi Mayk Pompeoning aytishicha, Amerika Eron tomonidan amalga oshirilishi mumkin bo‘lgan har qanday qadamga tayyor turibdi. “Mening jamoam agar Eron xato qilib, hujum qilishga qaror qilsa, barcha obyektlarning tayyor bo‘lib turishi uchun qo‘lidan kelgan hamma ishni qilmoqda”, — deydi Pompeo.
Tehron esa general Qosim Sulaymoniyning Iroqda o‘ldirilishiga javob qaytarishga va’da bermoqda. Shuningdek, Eron 2015-yili mamlakat hukumati va olti vositachi mamlakat o‘rtasida erishilgan yadroviy kelishuvdan to‘liq chiqishini e’lon qildi.
Izoh (0)