Prezident Shavkat Mirziyoyev Turkiy dunyo yozuvchilari, ziyolilari va san’atkorlari jamg‘armasi (TURKSAV) tomonidan ta’sis etilgan “Turkiy dunyo tiklanishiga qo‘shgan ulkan hissasi uchun” xalqaro mukofotiga sazovor bo‘ldi.
Bu haqda jamg‘armaning Anqarada o‘tkazilgan maxsus matbuot anjumanida ma’lum qilindi.
Mukofot sohibining ismi-sharifi jamg‘arma hay’ati kollegial qo‘mitasi tomonidan Turkiya va xorijiy davlatlarning taniqli siyosatchilari, iqtisodchilari, fan va san’at namoyondalarining 2019-yildagi faoliyatini o‘rganish natijalari asosida e’lon qilindi.
TURKSAV mukofotini topshirish marosimi 2020-yil may oyida Anqarada Turkiya parlamenti, hukumati, keng jamoatchiligi, ishbilarmon doiralari va san’at arboblari ishtirokida tantanali tarzda o‘tkazilishi rejalashtirilgan.
Ma’lumot uchun, mukofotga turli yillarda Turkiya prezidenti Sulaymon Demirel, Ozarbayjon prezidenti Haydar Aliyev, Qozog‘iston prezidenti Nursulton Nazarboyev va boshqalar sazovor bo‘lgan.
Izoh (0)