Фарғона вилоятининг Қува туманида бир оиланинг икки фарзанди ис газидан заҳарланиш оқибатида вафот этди. Бу ҳақда Соғлиқни сақлаш вазирлиги матбуот хизмати хабар берган.
Хабарга кўра, 5 январь, якшанба куни соат 08:30 да Фарғона вилояти Қува тумани «Тошкент» МФЙ, Қўрғонча кўчаси 82-уйда истиқомат қилувчи оиланинг икки фарзанди беҳуш ҳолда тумандаги Шошилинч тиббий ёрдам кўрсатиш марказининг жонлантириш бўлимига олиб келинган.
«Фарғона вилояти Қува тумани Қўрғонча кўчасидаги 82-уйда яшовчи оила печкага шланг орқали газ тортиб иситилган, шланг печкадан чиқиб уйнинг линолиумли пол қисмига тушиб пол ёнган, болалар диван ёнига яширинган, ота-оналари уйдан ташқарида бўлган, ёнғин катта бўлмагани сабабли ота-онаси хабарсиз қолган, ёнғин оқибатида болалар ҳушдан кетган», дейилади хабарда.
2018 йилда туғилган Р.Х. ва унинг опаси 2017 йилда туғилган Р.О. шифохонага олиб келинган вақтда жонсиз ҳолда бўлгани аниқланган.
Мавзуга доир:
Изоҳ (0)