Leonardu Jardim bilan xayrlashgan “Monako” jamoaga yangi bosh murabbiy tayinlanganini e’lon qildi.
Unga ko‘ra, knyazliklarni 2022-yil iyuniga qadar ispaniyalik 42 yoshli mutaxassis Roberto Moreno boshqarib boradi.
Qayd etish joiz, Moreno biroz vaqt muqaddam Ispaniya terma jamoasi bosh murabbiyligidan ketgandi. Roberto Luis Enrikening oilaviy sharoiti sabab (qizining kasalligi) uning o‘rnini vaqtinchalik egallagandi. Enrike esa 2019-yil noyabrida o‘z o‘rniga qaytdi.
Ma’lumot uchun, Moreno bungacha “Selta”, “Barselona” va “Roma” klublarida Luis Enrikega yordamchilik qilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)