Braziliyalik hujumchi Gabriel Jezus “Manchester Siti”ni tark etishi mumkin, deb yozmoqda The Athletic jurnalisti Sem Li.
Uning yozishicha, 2020-yil yozida klubni tark etish uchun asosiy nomzod Jezus bo‘lib turibdi. “Siti” rahbariyati tarkibni yangilash niyatida Jezusni sotib yuborishi kutilmoqda.
Bundan tashqari jamoaning himoya chizig‘ida ham bir qator o‘zgarishlar bo‘ladi. Jumladan, Nikolas Otamendi va jarohatlarga moyil bo‘lgan Benjamen Mendi ham “shaharliklar” safidan ketishga nomzodlar qatoridan o‘rin olgan.
Ma’lumot uchun, “Manchester Siti” ayni damda APLda 19 ta o‘yin o‘tkazib, 38 ochko bilan uchinchi o‘rindan joy olib turibdi.
Gvardiola shogirdlari 20-tur uchrashuvini “Sheffild Yunayted”ga qarshi o‘tkazadi. Bellashuv 23:00 da boshlanishi belgilangan.
Izoh (0)