“Manchester Yunayted” yarim himoyachisi Pol Pogbaning “Real”ga transferi amalga oshmasligi mumkin.
Madridliklar klubi rahbariyati Pogbani o‘z jamoasida ko‘rishni istayotgan “Real” ustozi Zinedin Zidanning iltimosiga rad javobini bergan, deya xabar qilmoqda AS.
Nashr versiyasiga ko‘ra, rahbariyat Zidanga jamoaning 21 yoshli futbolchisi Federiko Valverdega e’tibor qaratishni maslahat bergan. Buning ustiga Pogbaning mankunianlar bilan amaldagi shartnomasi 2021-yilda o‘z yakuniga yetadi va “Manchester Yunayted” fransiyalik futbolchini 150 million yevrodan kamiga sotmoqchi emas. O‘z navbatida buncha miqdorda pul sarf qilish “Real” rahbarlariga hush kelmayapti.
Pogba Angliya Premyer Ligasining 2019/20-yilgi mavsumida olti o‘yin o‘tkazdi va birorta ham samarali harakatni amalga oshirmadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)