Сурхондарёдаги сайлов участкаларининг бирида Сайлов кодекси талаблари бузилгани ҳақидаги «Дарё»да эълон қилинган хабарга 78-Термиз сайлов округ комиссияси муносабат билдирди.
Мавзуга доир: Сурхондарёдаги сайлов участкаларининг бирида Сайлов кодекси талаблари бузилгани аниқланди
Маълумки, Сайлов кодексининг 10-моддасида сайлов участкалари сайловга камида 60 қолганида тузилиши, 23-моддасида эса участка сайлов комиссияси сайловга камида 40 қолганида тузилиши белгилаб қўйилган.Шунга мувофиқ, 78-сонли Термиз сайлов округ комиссиясининг 2019 йил 7 ноябрдаги қарори асосида 260-участка сайлов комиссияси аъзолари таркиби тасдиқланган.
Сайловга 35 кун қолганида — депутатликка номзодлар тасдиқланганида — 8-сонли умумтаълим мактаб директори Ойнабод Лапасованинг номзоди ҳам айнан 16-Турон сайлов округи бўйича Термиз шаҳар кенгаши депутатлигига қўйилганлиги маълум бўлди.
Ҳолатни қонунчиликка мувофиқлаштириш мақсадида округ комиссиясининг 14 декабрдаги қарори билан 260-участка сайлов комиссияси таркибига ўзгартириш киритилди — номзодга бевосита бўйсунувчи 8-мактаб ходимлари комиссия аъзолари таркибидан чиқарилди.
78-Термиз сайлов округ комиссияси ушбу расмий муносабат орқали веб-сайтларда эълон қилинган материалдаги 260-сайлов участкасида Сайлов кодекси талаблари бузилгани ҳақидаги ҳолатни рад этади.
78-Термиз сайлов округ комиссияси
Изоҳ (0)