Qo‘qonda salonida 20 kishi bo‘lgan avtobus yuk avtomobili bilan to‘qnashib, ag‘darilishi oqibatida 10 kishi jarohatlandi.
IIV Tergov departamenti matbuot xizmatining xabar berishicha, voqea 27-dekabr kuni soat taxminan 08:30 da Qo‘qon shahridagi Movarounnahr va Istiqlol ko‘chalari kesishmasida sodir bo‘lgan. Isuzu avtobusi “Gaz 52” yuk avtomashinasi bilan to‘qnashgan va oqibatda avtobus ag‘darilgan.
Dastlabki ma’lumotlarga ko‘ra, avtobus ichida 20 nafar yo‘lovchi bo‘lgan, ulardan 10 nafari tibbiy yordam olish uchun murojaat qilgan, qurbonlar yo‘q.
Qayd etilishicha, hodisa sodir bo‘lgan joyda tergov-tezkor guruhi ishlamoqda, Yo‘l-transport hodisasi sabablari aniqlanmoqda.
Avvalroq Farg‘onada Nexia avtobus bilan to‘qnashishi oqibatida 4 kishi halok bo‘lgani haqida xabar berilgan edi.
Izoh (0)