Rossiya Tashqi ishlar vazirligi rahbari Sergey Lavrov 2020-yilning 12—13-yanvar kunlari O‘zbekistonga rasmiy tashrif bilan keladi. Bu haqda Rossiya tashqi ishlar vazirligi rasmiy vakili Mariya Zaxarovaning so‘zlariga asoslanib, “RIA Novosti” xabar berdi.
Mariya Zaxarovaning so‘zlariga ko‘ra, Lavrovni mamlakat prezidenti Shavkat Mirziyoyev qabul qiladi, shuningdek, u O‘zbekiston Tashqi ishlar vaziri Abdulaziz Komilov bilan muzokaralar o‘tkazadi.
Bundan tashqari, Lavrov Toshkentdagi Rossiya TIV MGIMO filiali professor-o‘qituvchilar tarkibi va talabalariga ma’ruza o‘qiydi.
Kutilayotgan uzokaralar chog‘ida tomonlar ikki tomonlama siyosiy, savdo-iqtisodiy va madaniy-gumanitar hamkorlikning barcha komplekslarini ko‘rib chiqadi.
“O‘tgan yilning 18-oktabrida Rossiya prezidentining O‘zbekistonga davlat tashrifi doirasida erishilgan kelishuvlarni amalga oshirish, shuningdek, 2020-yilga mo‘ljallangan oliy va yuqori darajadagi tadbirlarni tayyorlashga alohida e’tibor qaratiladi”, — dedi Zaxarova.
Izoh (0)