O‘zbekiston Prezidentining ko‘chmas mulkni ro‘yxatga olish va kadastr tizimini takomillashtirish chora-tadbirlari to‘g‘risidagi qarori loyihasi muhokama uchun joylashtirildi.
Hujjatga ko‘ra, 2021-yil 1-yanvardan ko‘chmas mulk obyektlarining oldi-sotdi bitimlarini majburiy notarial tasdiqlash talabi bekor qilinadi.
Ushbu funksiyalar yangi tashkil etilayotgan Kadastr va geofazoviy axborot agentligining ko‘chmas mulk obyektlariga bo‘lgan huquqlarni ro‘yxatga oluvchi davlat registratorlariga beriladi.
“Davyergeodezkadastr” qo‘mitasi manfaatdor vazirlik va idoralar bilan birgalikda 2022-yil 1-dekabrgacha Yagona davlat kadastrlari tizimining geoaxborot bazasini shakllantirishni yakunlaydi va uning natijalariga ko‘ra Fazoviy ma’lumotlar milliy infratuzilmasi geoportali yaratiladi.
Avvalroq ushbu hujjat bilan kadastr tizimini yuritish boshqa tashkilot qo‘liga o‘tishi haqida xabar berilgan edi.
Mavzuga doir: Kadastr tizimini yuritish yangi tashkilot qo‘liga o‘tadi
Izoh (0)