O‘zbekistonning jami tashqi qarzi joriy yilning 1-oktabrida 21,5 milliard AQSh dollarni tashkil etgan. Markaziy bank tomonidan taqdim etilgan ma’lumotlarga ko‘ra, bu o‘tgan yilgiga nisbatan 5,1 milliard dollarga ko‘p demakdir.
“2019-yilning 9 oyi davomida davlatning tashqi qarzi keskin oshdi va bu kabi ko‘rsatkich yil oxiriga qadar saqlanib qolishi kutilmoqda”, — deyiladi xabarda.
Bu sanoat va hududlarni rivojlantirish bo‘yicha davlat dasturlarini moliyalashtirish uchun yangi tashqi qarzlarni jalb qilinayotgani bilan bog‘liq.
Tashqi qarz davlat va xususiy qarzlarga bo‘linadi. 2013—2017-yillar davomida ikkisi ham oshib borgan, biroq 2018-yilda xususiy qarz kamayishni boshlangan. Bunga neft-gaz va energetika sanoatidagi korxonalar uchun pullarni qaytaradigan vaqt kelgani sabab bo‘lgan edi.
2019 yil yanvar—sentabr oylarida xususiy sektorning qarzlari asosan bank qarzlarining o‘sishi hisobiga yana o‘sishni boshlagan.
Umumiy tashqi qarzning 13,8 milliard dollari davlat sektori qarzlari bo‘lsa, 7,7 milliard dollari xususiy tashqi qarz hisoblanadi.
Moliya vazirligi bergan ma’lumotga ko‘ra, O‘zbekistonning davlat tashqi qarzi Yalpi ichki mahsulotga nisbatan 23,8 foizni tashkil etadi.
Izoh (0)