Futbol bo‘yicha Angliya Premyer ligasi 19-turining markaziy o‘yinida 26-dekabr, payshanba kuni Yurgen Klopp qo‘l ostidagi “Liverpul” safarda Brendan Rojers boshqaruvidagi “Lester”ga qarshi maydonga tushdi.
Uchrashuv davomida “qizillar” hujumchisi Roberto Firmino (31, 74) dublga erishgan bo‘lsa, Jeyms Milner (71, penalti) hamda Trent Aleksander-Arnold (78) o‘z hisobiga bittadan gol yozdirib qo‘ydi.
Shu tariqa Mersisayd klubi mehmonda “Lester” darvozasiga javobsiz 4 ta gol urib, yirik hisobda g‘alaba qozondi (4:0).
Mazkur g‘alabadan so‘ng musobaqa jadvalida peshqadamlik qilayotgan “Liverpul” ochkolari sonini 52 taga yetkazib oldi. “Lester” esa 39 ochko bilan 2-o‘rinni egallab turibdi.
APL
19-tur bahsi
26-tur bahslari
“Lester”—“Liverpul” 0:4
Gollar: 0:1 — 31 Firmino, 0:2 — 71, penalti Milner, 0:3 — 74 Firmino, 0:4 — 78 Aleksander-Arnold“Lester”: Shmeyxel, Rikardu Pereyra, Evans, Suyunju, Chiluell, Ndidi, Barns (Olbrayton, 58), Prat (Peres, 72), Tilemans, Meddison (Chouduri, 76), Vardi
“Liverpul”: Alisson, Aleksander-Arnold, Gomes, van Deyk, Robertson, Keyta (Milner, 70), Xenderson (Lallana, 82), Veynaldum, Saloh (Origi, 70), Firmino, Mane
Ogohlantirishlar: Gomes (62), Meddison (73)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)