“Real” futbol klubi hujumchisi Karim Benzema Ispaniya chempionatining ortda qolgan o‘n yilligida sezilarli sermahsullik ko‘rsatdi.
Opta ma’lumotlariga ko‘ra, fransiyalik futbolchi 2010—2019-yillar oralig‘ida Primerada 155 ta gol urgan va 75 ta samarali uzatmaga muallif bo‘lgan. Bu La Ligada “Barselona” hujumchisi Lionel Messi va “Real” sobiq hujumchisi Krishtianu Ronaldudan keyingi eng yaxshi natija hisoblanadi.
Benzema madridiklar safida 2009-yildan buyon to‘p surib keladi. U “Real” bilan Ispaniya chempioniga aylangan, ikki martadan mamlakat Kubogi va Superkubogida zafar quchgan. Bundan tashqari Benzema Ispaniya chempionatida 150 ta gol urgan ilk fransiyalik futbolchi hisoblanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)