“O‘zavtosanoat” AJ konstruktiv tanqid uchun fuqarolarni mukofotlashini ma’lum qildi.
“Har birimizning ichimizda o‘z vakolatlarimizdan qat’i nazar qanday qilinsa yanada mukammalroq qilishni biladigan kichik bir mutaxassis yashaydi. Salbiy bayonotlarning ulkan oqimiga qaramay biz har doim tanqidni inobatga olib kelamiz. Biroq faqat bu konstruktiv tanqid bo‘lsa.
“O‘zavtosanoat” aksionerlik jamiyati tizimni takomillashtirishni istagan, faol fuqarolik o‘rniga ega bo‘lgan har bir fuqaroni qo‘llab-quvvatlashga qaror qildi. Sizning chindan ham konstruktiv tanqidlaringiz bizning “zaif” tomonlarimizni tanib olish, ularni o‘zgartirish va shu bilan samaraliroq bo‘lish imkoniyatidir. Bizga sharh va takliflaringizni yuboring va qimmatbaho sovg‘aning egasi bo‘lish imkoniyatini qo‘lga kiriting”, — deyiladi kompaniya xabarida.
Quyida ushbu dastur ishtirokchisi bo‘lish shartlari bosqichma-bosqich tushuntirib beriladi.
Qanday qilib dastur ishtirokchisi bo‘lish mumkin?
1-qadam — Avtomobilsozlik sanoatida sizga mos bo‘lmagan narsani tasvirlab bering.
2-qadam — Kamchilikni tuzatish bo‘yicha aniq taklif bering.
3-qadam — Taklifingizning samaradorligini asoslab bering.
4-qadam — Taklifli qo‘lyozmangizni call@uzautomotors.com elektron pochta manziliga yuboring
Haqiqatan ham konstruktiv va ishlaydigan qo‘lyozma mualliflari dastur ishtirokchilari bo‘ladi.
Yoki agar siz “O‘zavtosanoat” AJ korxonalari tomonidan korrupsiya qurboniga aylangan bo‘lsangiz, iltimos, telefon orqali 78-141-77-77 raqamiga qo‘ng‘iroq qiling. Agar dalillar bo‘lsa (video yoki audio), siz ham dastur ishtirokchisiga aylanasiz va mukofot olasiz, deyiladi xabarda.
Dasturda qatnashish nimalarning imkonini beradi?
• barcha ishtirokchilar rasmiy servis markazlari va avtomobil bozorlarida xizmat ko‘rsatish uchun 500 000 so‘mdan vaucherlarni oladi;
• kompaniyaning samaradorligini oshirgan, keraksiz xarajatlar va yo‘qotishlarning oldini oladigan va boshqalarning mualliflari avtoulovni imtiyozli shartlarda (olingan imtiyozlarga qarab) sotib olish, olish imkoniyatiga ega bo‘ladi;
• mamlakatning butun sanoatini rivojlantirishda ishtirok etayotganlikni his qiladi.
“Ijtimoiy tarmoqlardagi befoyda sharhlarga vaqtingizni behudaga sarflamang – bunga kengroq yondashing. ‘O‘zavtosanoat’ AJ barcha taklif va mulohazalar uchun ochiq!”, — deyiladi kompaniya xabarida.
Izoh (0)