«Ўзавтосаноат» АЖ конструктив танқид учун фуқароларни мукофотлашини маълум қилди.
«Ҳар биримизнинг ичимизда ўз ваколатларимиздан қатъи назар қандай қилинса янада мукаммалроқ қилишни биладиган кичик бир мутахассис яшайди. Салбий баёнотларнинг улкан оқимига қарамай биз ҳар доим танқидни инобатга олиб келамиз. Бироқ фақат бу конструктив танқид бўлса.
«Ўзавтосаноат» аксионерлик жамияти тизимни такомиллаштиришни истаган, фаол фуқаролик ўрнига эга бўлган ҳар бир фуқарони қўллаб-қувватлашга қарор қилди. Сизнинг чиндан ҳам конструктив танқидларингиз бизнинг «заиф» томонларимизни таниб олиш, уларни ўзгартириш ва шу билан самаралироқ бўлиш имкониятидир. Бизга шарҳ ва таклифларингизни юборинг ва қимматбаҳо совғанинг эгаси бўлиш имкониятини қўлга киритинг», — дейилади компания хабарида.
Қуйида ушбу дастур иштирокчиси бўлиш шартлари босқичма-босқич тушунтириб берилади.
Қандай қилиб дастур иштирокчиси бўлиш мумкин?
1-қадам — Автомобилсозлик саноатида сизга мос бўлмаган нарсани тасвирлаб беринг.
2-қадам — Камчиликни тузатиш бўйича аниқ таклиф беринг.
3-қадам — Таклифингизнинг самарадорлигини асослаб беринг.
4-қадам — Таклифли қўлёзмангизни call@uzautomotors.com электрон почта манзилига юборинг
Ҳақиқатан ҳам конструктив ва ишлайдиган қўлёзма муаллифлари дастур иштирокчилари бўлади.
Ёки агар сиз «Ўзавтосаноат» АЖ корхоналари томонидан коррупция қурбонига айланган бўлсангиз, илтимос, телефон орқали 78-141-77-77 рақамига қўнғироқ қилинг. Агар далиллар бўлса (видео ёки аудио), сиз ҳам дастур иштирокчисига айланасиз ва мукофот оласиз, дейилади хабарда.
Дастурда қатнашиш нималарнинг имконини беради?
• барча иштирокчилар расмий сервис марказлари ва автомобиль бозорларида хизмат кўрсатиш учун 500 000 сўмдан ваучерларни олади;
• компаниянинг самарадорлигини оширган, кераксиз харажатлар ва йўқотишларнинг олдини оладиган ва бошқаларнинг муаллифлари автоуловни имтиёзли шартларда (олинган имтиёзларга қараб) сотиб олиш, олиш имкониятига эга бўлади;
• мамлакатнинг бутун саноатини ривожлантиришда иштирок этаётганликни ҳис қилади.
«Ижтимоий тармоқлардаги бефойда шарҳларга вақтингизни беҳудага сарфламанг – бунга кенгроқ ёндашинг. ‘Ўзавтосаноат’ АЖ барча таклиф ва мулоҳазалар учун очиқ!», — дейилади компания хабарида.
Изоҳ (0)