AQShning Kolorado-Springs shahrida yashovchi 65 yoshli erkak shahar markazidagi bankni o‘mardi va o‘zini hibsga olishlari uchun hamma narsa qildi, deb yozadi Meduza.
Qayd etilishicha, Devid Oliver 23-dekabr, dushanba kuni kunduz payti Academy Bank binosiga kirgan. U o‘zining qurollanganini aytib, bank kassasidagi hamma naqd pullarni olib chiqib ketgan. Pul miqdori hozircha oshkor etilmayapti.
Ko‘chaga chiqib u “Rojdestvo muborak bo‘lsin!” deb baqirgan holda pullarni ko‘chaga sochib yuborgan.
So‘ng Oliver yaqin hududda joylashgan Starbucks kafesiga borgan va shu yerda o‘tirib politsiyani kutgan.
On December 23, David Oliver was booked into the El Paso County Criminal Justice Center following a bank robbery in the 00 block of Tejon Street. Police Blotter #27498 https://t.co/CjbvRoi0Lc
— Colorado Springs Police Department (@CSPDPIO) December 24, 2019
Mugshot: David Oliver, 65 pic.twitter.com/lNCJAwS9jE
Kafeda u hech narsa buyurtma qilmagan, kafe xizmatchilari esa unga e’tibor bermagan.
Oliver hibsga olish jarayonida politsiyaga qarshilik ko‘rsatmagan. Uning yonida qurol bo‘lmagan.
Xabarda aytilishicha, o‘tkinchilar pulni yig‘ib olib, bankka topshirgan.
Politsiya pullarning bir qismi qaytarilganini tasdiqladi, biroq minglab dollar yo‘qolgani aytilmoqda.
Politsiya Oliver o‘g‘irlagan pullarini ko‘chaga sochib yuborganini rad etmoqda.
Izoh (0)