Америкалик эркак банкни ўмарди ва «Рождество билан!» деб бақирганча пулларни кўчага сочиб юборди

АҚШнинг Колорадо-Спрингс шаҳрида яшовчи 65 ёшли эркак шаҳар марказидаги банкни ўмарди ва ўзини ҳибсга олишлари учун ҳамма нарса қилди, деб ёзади Meduza.

Қайд этилишича, Девид Оливер 23 декабрь, душанба куни кундуз пайти Academy Bank биносига кирган. У ўзининг қуролланганини айтиб, банк кассасидаги ҳамма нақд пулларни олиб чиқиб кетган. Пул миқдори ҳозирча ошкор этилмаяпти.

Кўчага чиқиб у «Рождество муборак бўлсин!» деб бақирган ҳолда пулларни кўчага сочиб юборган.

Сўнг Оливер яқин ҳудудда жойлашган Starbucks кафесига борган ва шу ерда ўтириб полицияни кутган.

On December 23, David Oliver was booked into the El Paso County Criminal Justice Center following a bank robbery in the 00 block of Tejon Street. Police Blotter #27498 https://t.co/CjbvRoi0Lc

Mugshot: David Oliver, 65 pic.twitter.com/lNCJAwS9jE

— Colorado Springs Police Department (@CSPDPIO) December 24, 2019

Хабарда айтилишича, ўткинчилар пулни йиғиб олиб, банкка топширган.

Полиция пулларнинг бир қисми қайтарилганини тасдиқлади, бироқ минглаб доллар йўқолгани айтилмоқда.

Полиция Оливер ўғирлаган пулларини кўчага сочиб юборганини рад этмоқда.