Prokuratura organlari tomonidan saylov jarayonida qonun ustuvorligini ta’minlashga qaratilgan chora-tadbirlar amalga oshirilmoqda, deya ma’lum qildi Bosh prokuratura matbuot kotibi Hayot Shamsutdinov. Mazkur faoliyat doirasida Bosh prokuratura shtabi tomonidan OAV va Internet, shu jumladan ijtimoiy tarmoqlarda saylovga oid qonun buzilishi holatlari haqida e’lon qilingan ma’lumot va xabarlar uzluksiz ravishda o‘rganilmoqda.
22-dekabr — Oliy Majlis Qonunchilik palatasi hamda xalq deputatlari mahalliy kengashlariga o‘tkazilgan saylovlar kuni Internet tarmog‘ida ayrim hududlarda saylovlar o‘tkazilishida qonun buzilish holatlari sodir etilayotganligi haqida ma’lumotlar e’lon qilindi. Xususan,
- Qashqadaryo viloyati Koson tumani xalq deputatlari Kengashi deputatligiga nomzodi ko‘rsatilgan shaxslarni o‘z nomzodlarini qaytarib olishga majburlash,
- Toshkentning Olmazor tumanidagi 10, 23 va 142-sonli saylov uchastkalari ishiga noqonuniy aralashish hamda
- okrug va uchastka saylov komissiyalariga Toshkentning Yashnobod tumanida ovozlarni sanab chiqish bo‘yicha yakuniy bayonnoma nusxasini to‘ldirish va bayonnoma nusxalarini hech kimga tarqatmaslik yuzasidan g‘ayriqonuniy ko‘rsatma berilishi
Mavzuga doir:
- Qashqadaryoda deputatlikka nomzodlardan majburan ariza olingan degan xabarni mas’ullar rad etmoqda
- Toshkentda ijro hokimiyati organi vakillari ayrim nomzodlarning foydasini ko‘zlab saylov komissiyalariga bosim o‘tkazgani ma’lum qilindi (video)
- Yashnobodda saylovlarga aralashish holati yuzasidan surishtiruv olib borilmoqda. Voqea joyiga jurnalistlar yetib borgan
“Shu munosabat bilan, tajribali prokuror-tergov xodimlaridan iborat maxsus guruhlar shakllantirilib, mazkur xabarlarning har biri sinchkovlik bilan har tomonlama o‘rganilmoqda. Bu borada Markaziy saylov komissiyasi bilan yaqindan hamkorlik o‘rnatilib, tezkor ma’lumotlar almashinuvi yo‘lga qo‘yilgan. Tekshirishlar natijasiga ko‘ra xabar beriladi”, — deya ma’lum qildi Hayot Shamsutdinov.
Izoh (0)