Oliy Majlis Qonunchilik palatasi va mahalliy kengashlariga deputatlarin saylash bo‘yicha 22-dekabr, yakshanba kuni bo‘lib o‘tgan saylovlarda ro‘yxatga olingan jami saylovchilarning 71,1 foizi ishtirok etdi. Bu haqda Markaziy saylov komissiyasi (MSK) raisi Mirzo-Ulug‘bek Abdusalomov ma’lum qildi.
Butun mamlakat bo‘ylab 10 260 saylov uchastkasida jami 18 million 797 ming 810 nafar saylovchidan 13 million 355 ming 911 nafari ovoz bergan. Eng yuqori faollik Qoraqalpog‘iston va Qashqadaryoda kuzatilgan — 75,4 foiz saylovchi ovoz bergani chiqqan. Eng sust ishtirok esa Toshkent shahrida qayd etildi — 60,8 foiz.
Xabar berishlaricha, Oliy Majlis Qonunchilik palatasiga saylovning dastlabki natijalari 23-dekabr kuni soat 14:00 da e’lon qilinishi kutilmoqda.
Izoh (0)