Прокуратура органлари томонидан сайлов жараёнида қонун устуворлигини таъминлашга қаратилган чора-тадбирлар амалга оширилмоқда, дея маълум қилди Бош прокуратура матбуот котиби Ҳаёт Шамсутдинов. Мазкур фаолият доирасида Бош прокуратура штаби томонидан ОАВ ва Интернет, шу жумладан ижтимоий тармоқларда сайловга оид қонун бузилиши ҳолатлари ҳақида эълон қилинган маълумот ва хабарлар узлуксиз равишда ўрганилмоқда.
22 декабрь — Олий Мажлис Қонунчилик палатаси ҳамда халқ депутатлари маҳаллий кенгашларига ўтказилган сайловлар куни Интернет тармоғида айрим ҳудудларда сайловлар ўтказилишида қонун бузилиш ҳолатлари содир этилаётганлиги ҳақида маълумотлар эълон қилинди. Хусусан,
- Қашқадарё вилояти Косон тумани халқ депутатлари Кенгаши депутатлигига номзоди кўрсатилган шахсларни ўз номзодларини қайтариб олишга мажбурлаш,
- Тошкентнинг Олмазор туманидаги 10, 23 ва 142-сонли сайлов участкалари ишига ноқонуний аралашиш ҳамда
- округ ва участка сайлов комиссияларига Тошкентнинг Яшнобод туманида овозларни санаб чиқиш бўйича якуний баённома нусхасини тўлдириш ва баённома нусхаларини ҳеч кимга тарқатмаслик юзасидан ғайриқонуний кўрсатма берилиши
Мавзуга доир:
- Қашқадарёда депутатликка номзодлардан мажбуран ариза олинган деган хабарни масъуллар рад этмоқда
- Тошкентда ижро ҳокимияти органи вакиллари айрим номзодларнинг фойдасини кўзлаб сайлов комиссияларига босим ўтказгани маълум қилинди (видео)
- Яшнободда сайловларга аралашиш ҳолати юзасидан суриштирув олиб борилмоқда. Воқеа жойига журналистлар етиб борган
«Шу муносабат билан, тажрибали прокурор-тергов ходимларидан иборат махсус гуруҳлар шакллантирилиб, мазкур хабарларнинг ҳар бири синчковлик билан ҳар томонлама ўрганилмоқда. Бу борада Марказий сайлов комиссияси билан яқиндан ҳамкорлик ўрнатилиб, тезкор маълумотлар алмашинуви йўлга қўйилган. Текширишлар натижасига кўра хабар берилади», — дея маълум қилди Ҳаёт Шамсутдинов.
Изоҳ (0)