Davlat statistika qo‘mitasi e’lon qilgan ma’lumotlarga ko‘ra, 2019-yilning yanvar—noyabr oylarida respublikada avtomobil benzini ishlab chiqarish hajmi o‘tgan yilning shu davriga nisbatan kamaygan.
Hisobotda 2018-yilning shu davrida 1 053,0 ming tonna benzin ishlab chiqarilgani, 2019-yilda bu raqam 926,2 ming tonnaga tushgani aks etgan.
Dizel (solyarka) ishlab chiqarish hajmida ham pasayish kuzatilgan. 2019-yilda 930,8 ming tonna, 2018-yilda esa 985,7 ming tonnani tashkil etgan.
2019-yilning 11 oyi davomida neft qazib olish hajmi ham 2018-yilning mos davriga nisbatan qisqargan va 684,4 mingdan 640,1 ming tonnaga tushgan.
Gaz qazib olish hajmi ham 2018-yilning mos davriga nisbatan kamaygan.
Joriy yilning yanvar—noyabr oylarida 1,91 million tonnadan ko‘proq gaz kondensati qazib olingan, 2018-yilning mos davrida ushbu raqam 1,95 million tonnani tashkil etgan.
Shuningdek, Davlat statistika qo‘mitasining hisobotida 2019-yilning yanvar—noyabr oylarida qancha yengil avtomobil, yuk avtomobili, traktorlar ishlab chiqarilgani haqida ham ma’lumot berilgan.
Izoh (0)