Davlat statistika qo‘mitasi O‘zbekistonda 2019-yilning 11 oyida qancha avtomobil ishlab chiqarilganini ma’lum qildi
Davlat statistika qo‘mitasi 2019-yilning yanvar-noyabr oylarida yirik sanoat korxonalari tomonidan ishlab chiqarilgan sanoat mahsulotlarining hajmi haqida ma’lumot berdi.
Hisobotda, jumladan, avtosanoat sohasida 2018-yil hamda 2019-yilning yanvar-noyabr oylarida ishlab chiqarilgan transport vositalari taqqoslangan. Mamlakatda yengi avtomobil ishlab chiqarishning hajmi ortgani ma’lum bo‘ldi. 2018-yilda 181 327 dona yengil avtomobil, 2019 yilda esa 253 421 ming dona yengil avtomobil ishlab chiqarilgan. Statistika qo‘mitasi hisobotiga ko‘ra, 2019-yil yanvar-noyabr oylari davomida 70 222 dona Nexia T-250 (o‘tgan yilning mos davriga nisbatan 139,4 %), 51 918 dona Cobalt (170,7 %), 47 940 dona Damas (156,1 %), 40 392 dona Gentra (149,0 %), 22 780 dona Spark (99,12 %), 7 603 dona Tracker, 6 551 dona Labo (97,0 %) hamda 5 889 dona Malibu-2 avtomobillari (146,9 %) ishlab chiqarilgan.
Skrinshot: Davlat statistika qo‘mitasi
Skrinshot: Davlat statistika qo‘mitasi
Yuk avtomobillarini ishlab chiqarish hajmi ham ortgan, ya’ni 2018-yilda — 3 787 dona, 2019 yilda esa 5 056 dona. Traktor ishlab chiqarish hajmi 2019-yilda 1 283 donani tashkil etgan va 2018-yilning mos davriga (2 976 dona) nisbatan kamaygan.
Skrinshot: Davlat statistika qo‘mitasi
Skrinshot: Davlat statistika qo‘mitasi
Avval “O‘zavtosanoat” AK Axborot xizmati 2019-yilning yanvar-noyabr oylari davomida UzAuto Motors zavodi tomonidan ishlab chiqarilgan yengil avtomobillar sonini e’lon qilgandi.
Izoh (0)