Ijtimoiy tarmoqlarda “Deputatlikka nomzodlardan majburan ariza yozdirib olindi” sarlavhali xabar e’lon qilindi. Qashqadaryo viloyat saylov komissiyasi ushbu xabarga munosabat bildirdi.
— Ijtimoiy tarmoqlarda tarqalgan xabar viloyat saylov komissiyasi rahbari tomonidan o‘rganildi, - deyiladi Qashqadaryo viloyat saylov komissiyasi tomonidan e’lon qilingan munosabatda.
Bugun bir qator хorijiy ommaviy axborot vositalarida Koson tumanidagi “Deputatlikka nomzodlardan majburan ariza yozdirib olindi” nomli xabarlar tarqaldi. Holatni joyida o‘rganish uchun viloyat saylov komissiyasi raisi M. Ikromov “Ayronchi” MFY raisi - O‘zLiDePdan ko‘rsatilgan nomzod G‘ayrat Boymirzayev bilan suhbatlashdi va quyidagilarni aniqladi.G‘.Boymirzayev Xalq deputatlari Koson tuman Kengashi deputatligiga nomzod sifatida ko‘rsatilgan bo‘lib, hozirda ham uning nomzodi saylov byulletenidan olib tashlanmagan va u qonuniy ravishda saylovlarda deputatlikka nomzod sifatida ishtirok etadi.Audioyozuvdagi mansabdor shaxslarning saylov jarayonlariga noqonuniy aralashuvi haqidagi ma’lumotlar, shuningdek, OAV larga yolg‘on axborot berilgan-berilmaganligi holatiga baho berilishi uchun o‘rganishda to‘plangan hujjatlar Koson tumani prokuraturasiga taqdim etildi.Ma’lumot o‘rnida shuni qayd etish lozimki, O‘zbekiston Respublikasi Saylov kodeksiga ko‘ra, nomzodlarni siyosiy partiyalar tavsiya etadi va nomzodlikdan mahrum qilish nomzodning yoki siyosiy partiyaning vakolatiga kiradi. Hokimiyat va boshqa davlat organlari bu jarayonga aralashishga haqqi yo‘q va bunday aralashuv qonunga muvofiq javobgarlikka sabab bo‘ladi.Shuningdek xabarda go‘yoki Tadbirkorlar va ishbilarmonlar harakati - O‘zbekiston Liberal-demokratik partiyasi tomonidan xalq deputatlari Shahrisabz shahar Kengashiga deputatligiga nomzodi qo‘yilgan tadbirkor Muhabbat Nasrullayevaning ism-familiyasi shahar hokimligi tomonidan o‘chirilganligi ta’kidlab o‘tilgan.Saylov kodeksining 91-moddasida mahalliy Kengashlar deputatligiga nomzodlar ko‘rsatish faqat siyosiy partiyaning mutloq vakolati, boshqa hech qanday tashkilotga, shu jumladan mahalliy davlat hokimiyat idoralariga bunday huquq berilmagan.Xalq deputatlari Shahrisabz shahar Kengashiga hech qaysi siyosiy partiya tomonidan Muhabbat Nasrullayevaning deputatlikka nomzodi ko‘rsatilmagan, Shahrisabz shahar saylov komissiyasi tomonidan uni nomzodi ro‘yxatga olinmagan.Shuni alohida ta’kidlab o‘tish joizki, Saylov kodeksida saylov komissiyalarining faoliyatiga aralashishga yo‘l qo‘yilmasligi va saylov to‘g‘risidagi qonun hujjatlarini buzganlikda aybdor shaxslar belgilangan tartibda javobgar bo‘lishi belgilangan.Qashqadaryo viloyat Saylov komissiyasi
Izoh (0)