Paxtaobod tumanidagi 462-saylov uchastkasi 23-umumiy o‘rta ta’lim maktabida joylashgan bo‘lib, ushbu uchastkada 2906 nafar saylovchi ro‘yxatga olingan. Ular qatorida Andijon viloyati hokimi Shuhratbek Abdurahmonov ham bor, - deya xabar beradi “Daryo” muxbiri.
Viloyat rahbari erta tongda birinchilardan bo‘lib, oila a’zolari – turmush o‘rtog‘i va saylovda ilk marotaba qatnashayotgan 18 yoshli qizi Qizlaroy Abdurahmonova bilan birga mazkur uchastkada bo‘lib, munosib nomzodlarga ovoz berdi.
Surxondaryo viloyat hokimligi axborot xizmati rahbari Zahriddin To‘rayevning “Daryo”ga ma’lum qilishicha, To‘ra Bobolov ham oila-a’zolari bilan birga Termiz shahridagi 271-saylov uchastkasida bo‘lib, munosib nomzodlar uchun ovoz bergan.
Ayni paytda O‘zbekiston Respublikasi Oliy Majlisi Qonunchilik Palatasi hamda mahalliy Kengashlarga saylovlar viloyatning barcha tuman va shaharlarida ham qizg‘in davom etmoqda.
Eslatib o‘tamiz, avvalroq Qashqadaryo hokimi Zoir Mirzaevning Parlament saylovlaridagi ishtiroki haqida xabar bergandik.
Izoh (0)