Ижтимоий тармоқларда «Депутатликка номзодлардан мажбуран ариза ёздириб олинди» сарлавҳали хабар эълон қилинди. Қашқадарё вилоят сайлов комиссияси ушбу хабарга муносабат билдирди.
— Ижтимоий тармоқларда тарқалган хабар вилоят сайлов комиссияси раҳбари томонидан ўрганилди, - дейилади Қашқадарё вилоят сайлов комиссияси томонидан эълон қилинган муносабатда.
Бугун бир қатор хорижий оммавий ахборот воситаларида Косон туманидаги «Депутатликка номзодлардан мажбуран ариза ёздириб олинди» номли хабарлар тарқалди. Ҳолатни жойида ўрганиш учун вилоят сайлов комиссияси раиси М. Икромов «Айрончи» МФЙ раиси - ЎзЛиДеПдан кўрсатилган номзод Ғайрат Боймирзаев билан суҳбатлашди ва қуйидагиларни аниқлади.Ғ.Боймирзаев Халқ депутатлари Косон туман Кенгаши депутатлигига номзод сифатида кўрсатилган бўлиб, ҳозирда ҳам унинг номзоди сайлов бюллетенидан олиб ташланмаган ва у қонуний равишда сайловларда депутатликка номзод сифатида иштирок этади.Аудиоёзувдаги мансабдор шахсларнинг сайлов жараёнларига ноқонуний аралашуви ҳақидаги маълумотлар, шунингдек, ОАВ ларга ёлғон ахборот берилган-берилмаганлиги ҳолатига баҳо берилиши учун ўрганишда тўпланган ҳужжатлар Косон тумани прокуратурасига тақдим этилди.Маълумот ўрнида шуни қайд этиш лозимки, Ўзбекистон Республикаси Сайлов кодексига кўра, номзодларни сиёсий партиялар тавсия этади ва номзодликдан маҳрум қилиш номзоднинг ёки сиёсий партиянинг ваколатига киради. Ҳокимият ва бошқа давлат органлари бу жараёнга аралашишга ҳаққи йўқ ва бундай аралашув қонунга мувофиқ жавобгарликка сабаб бўлади.Шунингдек хабарда гўёки Тадбиркорлар ва ишбилармонлар ҳаракати - Ўзбекистон Либерал-демократик партияси томонидан халқ депутатлари Шаҳрисабз шаҳар Кенгашига депутатлигига номзоди қўйилган тадбиркор Муҳаббат Насруллаеванинг исм-фамилияси шаҳар ҳокимлиги томонидан ўчирилганлиги таъкидлаб ўтилган.Сайлов кодексининг 91-моддасида маҳаллий Кенгашлар депутатлигига номзодлар кўрсатиш фақат сиёсий партиянинг мутлоқ ваколати, бошқа ҳеч қандай ташкилотга, шу жумладан маҳаллий давлат ҳокимият идораларига бундай ҳуқуқ берилмаган.Халқ депутатлари Шаҳрисабз шаҳар Кенгашига ҳеч қайси сиёсий партия томонидан Муҳаббат Насруллаеванинг депутатликка номзоди кўрсатилмаган, Шаҳрисабз шаҳар сайлов комиссияси томонидан уни номзоди рўйхатга олинмаган.Шуни алоҳида таъкидлаб ўтиш жоизки, Сайлов кодексида сайлов комиссияларининг фаолиятига аралашишга йўл қўйилмаслиги ва сайлов тўғрисидаги қонун ҳужжатларини бузганликда айбдор шахслар белгиланган тартибда жавобгар бўлиши белгиланган.Қашқадарё вилоят Сайлов комиссияси
Изоҳ (0)