Dekabr oyi boshida Peterburgda o‘zbekistonlik migrantlarga maoshi berilmay, yotoqxonadan majburiy chiqarib yuborilgani aniqlangan edi.
O‘zbekiston Tashqi ishlar vazirligi matbuot xizmatining xabar berishicha, ICA Construction kompaniyasi xodimlari bo‘lgan ushbu fuqarolarning asosiy qismi 19-dekabr holatiga ko‘ra ish haqlarini to‘lig‘icha olgan. Qolganlarning maoshlari ham kelishilgan jadval asosida beriladi.
4-dekabr kuni bosh konsulxona va O‘zbekiston Bandlik va mehnat munosabatlari vazirligi Tashqi mehnat migratsiyasi agentligining Rossiyadagi vakolatxonasi xodimlari Kolpino shahriga borgan edi.
O‘zbekistonliklar va ICA Construction kompaniyasining mas’ul xodimlari bilan bo‘lib o‘tgan uchrashuvlarda Sankt-Peterburgdagi o‘zbekistonlik migrantlarning manfaatlarini himoya qilish hamda mavjud muammolarni hal qilish bo‘yicha aniq kelishuvlarga erishilgan.
Izoh (0)