Декабрь ойи бошида Петербургда ўзбекистонлик мигрантларга маоши берилмай, ётоқхонадан мажбурий чиқариб юборилгани аниқланган эди.
Ўзбекистон Ташқи ишлар вазирлиги матбуот хизматининг хабар беришича, ICA Construction компанияси ходимлари бўлган ушбу фуқароларнинг асосий қисми 19 декабрь ҳолатига кўра иш ҳақларини тўлиғича олган. Қолганларнинг маошлари ҳам келишилган жадвал асосида берилади.
4 декабрь куни бош консулхона ва Ўзбекистон Бандлик ва меҳнат муносабатлари вазирлиги Ташқи меҳнат миграцияси агентлигининг Россиядаги ваколатхонаси ходимлари Колпино шаҳрига борган эди.
Ўзбекистонликлар ва ICA Construction компаниясининг масъул ходимлари билан бўлиб ўтган учрашувларда Санкт-Петербургдаги ўзбекистонлик мигрантларнинг манфаатларини ҳимоя қилиш ҳамда мавжуд муаммоларни ҳал қилиш бўйича аниқ келишувларга эришилган.
Изоҳ (0)