15-dekabr, yakshanba kuni taxminan soat 23:30 larda 32 yoshli M.M. Cobalt rusumli avtomashinasini “Tuzloq” mahallasi hududidan o‘tuvchi ichki yo‘lda boshqarib kelib, shu yo‘nalishda o‘zining oldida harakatlanib ketayotgan, 43 yoshli N.S. boshqaruvida bo‘lgan Tico rusumli avtomashinasining orqa tomoniga urilib, yo‘l transport hodisasi sodir etgan, deb xabar bermoqda IIV huzuridagi Tergov departamenti.
Oqibatda Tico avtomobili yo‘lovchilari 43 yoshli O‘.A. va ayollar 42 yoshli B.J., 41 yoshli D.Yu., 17 yoshli Yo.R. og‘ir tan jarohati olib, Yangiariq tuman tibbiyot birlashmasining jonlantirish bo‘limiga yotqizilgan. Shifokorlar tomonidan ko‘rsatilgan tibbiy muolajalarga qaramasdan ularning barchasi shifoxonada vafot etgan.
Mavzuga doir:
Hozirda ushbu jinoyat ishi bo‘yicha dastlabki tergov harakatlari olib borilmoqda.
Izoh (0)