O‘zgidromet dam olish kunlari O‘zbekistonda kuzatiladigan ob-havo haqida ma’lumot berdi.
Qayd etilishicha, 14-dekabr, shanba kuni O‘zbekiston hududiga ayrim joylarda qorga aylanadigan yomg‘irli sovuq va nam havo oqimlari kiradi. Haroratning sutkalik o‘zgarishi unchalik katta bo‘lmaydi, kechasi 2 daraja sovuq — 3 daraja iliq bo‘ladi, kunduzi esa 3—5 daraja iliqdan oshmaydi. Bu oyning shu kuni uchun xos bo‘lgan harorat me’yoridan 3—5 darajaga pastdir.
15-dekabr, yakshanba kuni esa sovuq havo yog‘ingarchilikni surib chiqaradi, kechasi va kunduzi tuman hosil bo‘lib, ayrim joylarda ko‘rinish yomonlashishi mumkin. Tungi sovuq 3—5 darajagacha yetadi, kunduzi harorat 0—5 daraja iliq atrofida bo‘ladi.
Izoh (0)