Pentagon yaqin vaqt ichida Yaqin Sharq mintaqasiga qo‘shimcha harbiy kuchlarni yubormoqchi emas, deyiladi AQSh mudofaa vaziri Mark Esper bergan rasmiy bayonotda. Avval OAV AQSh Yaqin Sharqdagi mamlakat harbiylariga yana 14 ming nafar askar jalb qilinishini xabar qilgan. Bu haqda “Kommersant” xabar qildi.
“Biz hech qachon 14 ming nafar harbiyni qo‘shimcha tarzda Yaqin Sharqqa yuborish masalasini muhokama qilmaganmiz. Bu haqda tarqalgan xabarlar haqiqatdan yiroq. Mudofaa vazirligi raqiblarning keyingi harakatlariga, agar ular sodir etilsa har doim munosib javob qaytarishga tayyor”, — deyiladi Pentagon rahbari bayonotida.
Mavzuga doir: AQSh harbiylari Ummon bo‘g‘ozida Eronga tegishli ekanligi taxmin qilinayotgan raketa qismlarini qo‘lga kiritdi
Fox News ma’lumotlariga ko‘ra, administratsiya 7 ming nafar harbiy yubormoqchi. Telekanal 5-dekabrda AQSh mudafaa vaziri o‘rinbosari Jon Rud Senatdagi eshituvda Vashington Yaqin Sharqdagi harbiylar sonini oshirmoqchi ekanini tasdiqlagan. Pentagon rahbari o‘rinbosari aynan qancha askar mintaqaga yuborilishini ochiqlamagan.
May oyida agar Eron yadro quroli bo‘yicha jarayonni tezlashtirsa, AQShning Yaqin Sharqqa 120 ming nafar harbiy yuborishi haqida xabarlar tarqalgan. Lekin prezident Donald Tramp ushbu ma’lumoti tasdiqlamagandi. Keyinroq AQSh prezidenti Fors ko‘rfaziga qo‘shimcha harbiylar, raketa hujumiga qarshi Patriot komplekslari hamda razvedka aviatsiyasi transportlarini yuborishi ma’lum bo‘ldi.
Izoh (0)