KXDR davlat kengashi raisi Kim Chen In Yandok viloyatidagi termal, qaynoq buloqlari dam olish kurortining tantanali ochilish marosimida ishtirok etdi. Bu haqda Koreya markaziy telegraf agentligi xabariga tayanib “TASS” xabar bergan.
KXDR davlat rahbari Yandok balneologik kurortni foydalanishga topshirdi va shaxsan o‘zi dam olish hududini aylanib chiqdi. KMTA xabariga ko‘ra, Kim Chen In termal buloqlardan chiqayotgan suv havzalari dam olayotgan fuqarolarni kuzatgan, chang‘i jihozlari ijarasi binosida bo‘lgan, sport anjomlari sifatiga baho berib, dor yo‘lidan tog‘ cho‘qqisiga chiqib yuqoridan atrof go‘zalligiga baho bergan.
“Muhtaram oliy rahbarimiz, sportchilarning qor ustida yengil parvoz qilayotganini yuzida tabassum bilan kuzatdi”, — deyiladi agentlik xabarida.
Kim Chen In kurortdan chiqib, tog‘ yonbag‘ridagi ot sporti parkiga borgan, u yerda maktab o‘quvchilari bilan uchrashib, ular bilan birga suratga tushgan.
KXDR harbiy quruvchilari Yandokdagi kompleksni qurib bitkazishi uchun bir yildan sal kamroq vaqt talab etildi. Barcha binolar yagona me’moriy uslubda qurilgan va ulkan tog‘lar bilan uyg‘unlikda chiroyli landshaft hosil qiladi. Tog‘ chang‘i kurortiga olib boradigan uchta turli murakkabliklardagi trassa qurilgan.
Izoh (0)