Пентагон яқин вақт ичида Яқин Шарқ минтақасига қўшимча ҳарбий кучларни юбормоқчи эмас, дейилади АҚШ мудофаа вазири Марк Эспер берган расмий баёнотда. Аввал ОАВ АҚШ Яқин Шарқдаги мамлакат ҳарбийларига яна 14 минг нафар аскар жалб қилинишини хабар қилган. Бу ҳақда «Коммерсантъ» хабар қилди.
«Биз ҳеч қачон 14 минг нафар ҳарбийни қўшимча тарзда Яқин Шарққа юбориш масаласини муҳокама қилмаганмиз. Бу ҳақда тарқалган хабарлар ҳақиқатдан йироқ. Мудофаа вазирлиги рақибларнинг кейинги ҳаракатларига, агар улар содир этилса ҳар доим муносиб жавоб қайтаришга тайёр», — дейилади Пентагон раҳбари баёнотида.
Мавзуга доир: АҚШ ҳарбийлари Уммон бўғозида Эронга тегишли эканлиги тахмин қилинаётган ракета қисмларини қўлга киритди
Fox News маълумотларига кўра, администрация 7 минг нафар ҳарбий юбормоқчи. Телеканал 5 декабрда АҚШ мудафаа вазири ўринбосари Жон Руд Сенатдаги эшитувда Вашингтон Яқин Шарқдаги ҳарбийлар сонини оширмоқчи эканини тасдиқлаган. Пентагон раҳбари ўринбосари айнан қанча аскар минтақага юборилишини очиқламаган.
Май ойида агар Эрон ядро қуроли бўйича жараённи тезлаштирса, АҚШнинг Яқин Шарққа 120 минг нафар ҳарбий юбориши ҳақида хабарлар тарқалган. Лекин президент Дональд Трамп ушбу маълумоти тасдиқламаганди. Кейинроқ АҚШ президенти Форс кўрфазига қўшимча ҳарбийлар, ракета ҳужумига қарши Patriot комплекслари ҳамда разведка авиацияси транспортларини юбориши маълум бўлди.
Изоҳ (0)