Turkiya, Buyuk Britaniya, Fransiya va Germaniyaning Suriyadagi vaziyat muhokamasiga bag‘ishlangan ikkinchi sammiti 2020-yil fevral oyida Istanbulda o‘tkaziladi. Bu haqda Turkiya prezidenti Rajab Toyyib Erdo‘g‘on Londonda o‘tgan NATO yig‘ilishidan keyin ma’lum qildi, deb yozmoqda “TASS”.
“Fransiya prezidenti, Buyuk Britaniya bosh vaziri, Germaniya kansleri va men bir yilda kamida bir marta bu kabi to‘rt tomonlama hamkorlik bo‘yicha sammitni o‘tkazishni kelishib oldik. Endigi ikkinchi yig‘ilishimiz Istanbul shahrida o‘tkaziladi. Bu borada bir to‘xtamga keldik”, — deydi Turkiya prezidenti.
Turkiya, Fransiya, Germaniya federativ respublikasi va Buyuk Britaniya davlat rahbarlari 3-dekabr, seshanba kuni Londonda o‘tgan NATO sammitida Suriyadagi vaziyatni muhokama qilgan. Erdo‘g‘on muzokalarlar juda yaxshi kechganini bildirgan. Germaniya kansleri Angela Merkel ham ushbu xalqaro formatdagi uchrashuvning kelgusida katta samara berishini qayd etgan.
Izoh (0)