Wargaming Ўзбекистонда World of Tanks учун серверни ишга туширади, деб хабар бермоқда Spot. Бу ҳақда аввалига API манбаси хабар берган бўлса, кейинчалик «Ўзбектелеком» АК томонидан ҳам расман тасдиқланган.
Ёздан буён бу ҳақда бошқа янгиликлар йўқ эди, аммо яқин кунларда сервер декабрь ойидаёқ ишга туширилиши кутилаётгани маълум бўлди.
«Ҳозирнинг ўзидаёқ якуний ишлар олиб борилмоқда. Серверда ярим йилда биринчи бор текшириш ва синовдан ўтказиш учун WG’нинг техник ходимлари пайдо бўлди. Бу у яқин кунлар ичида ишга туширилишдан дарак беради», — дейилади API хабарида.
Wargaming маҳсулотлари Ўзбекистонда жуда машҳур. 2018 йилнинг апрель ойида Ўзбекистонда у томонидан ишлаб чиқарилган ўйинлар камида 22 минг киши томонидан ўйналаётгани маълум бўлган.Wargaming — компьютер ўйинларини яратиш бўйича жаҳондаги етакчи компаниялардан бири. 18 йиллик фаолияти давомида компания 15 дан зиёд турли платформаларга мўлжалланган ўйинларни ишлаб чиққан. Улар орасида World of Tanks, World of Warplanes ва World of Warships компьютер ўйинлари Wargaming’нинг энг оммалашган маҳсулотлари ҳисобланади.
Изоҳ (0)