O‘zbekiston respublika tovar-xomashyo birjasi barcha savdo platformalarida 18—24 noyabr kunlari 910,0 milliard so‘mlik bitimlar tuzildi. Birja matbuot xizmati xabariga ko‘ra, kichik biznes va tadbirkorlik subyektlari ishtirokida tuzilgan bitimlarning umumiy hajmi 1,3 foizga o‘sib 410,5 milliard so‘mni tashkil etdi.
Shu jumladan, birja savdolarining hajmi avvalgi haftaga nisbatan 7 foizga kamayib, 756,1 milliard so‘mni tashkil etgan. Valyuta savdo maydonchasi orqali sotilgan tovarlarning qiymati 2,2 million dollar bo‘lgan. Eksportning tarkibida pirolizli gazolin ulushi 53 foiz, paxta tolasining ulushi 31 foiz, polimer mahsulotlari 13 foiz va boshqa mahsulotlar ulushi 3 foizni tashkil etgan.
Ko‘rib chiqilayotgan davr mobaynida onlayn auksion orqali 972 ta avtomobil raqamlari sotilgan. Sotilgan davlat raqam belgilarining umumiy summasi qariyb 4,5 milliard so‘mni tashkil qilgan. Raqobatli savdolar natijasida bitimlarning 19,4 foizi birinchi toifadagi avtoraqamlarga, 48,1 foizi ikkinchi va 32,4 foizi uchinchi toifa avtoraqamlarga tegishlidir.
Izoh (0)