MY5 telekanalining “Markaziy studiya” ko‘rsatuvida rashk tufayli erining qotiliga aylangan ayol haqida so‘z yuritildi. U bundan sakkiz yil avval, ya’ni 24 yoshida rashk tufayli turmush o‘rtog‘ini o‘ldirgani uchun qamalgan edi.
“Qo‘yliqdagi kafeda ofitsiant bo‘lib ishlardim. Bir kuni boshlig‘imizning xotinining tug‘ilgan kuni bo‘ldi, bizga ertaroq ruxsat berib yubordi. Uyga borsam erim begona ayol bilan ‘kayf’da o‘tiribdi. Erimdan nima qilyapsiz, deb so‘radim. U ‘Ishing bo‘lmasin’ dedi va menga qo‘l ko‘tardi. Men ham jahl ustida unga pichoq suqib oldim. 19:45 da pichoq urgan bo‘lsam, 20:45 da pichoqni chiqarib oldim. O‘shanda hali o‘lmagan edi. Bir soatning ichida men do‘xtir chaqirdim, militsiya chaqirdim. Do‘xtir kelib, tomirini ushlaganidan keyin u o‘ldi”, — deydi Nargiza Yusupova.
Jinoyat ishlari bo‘yicha Zangiota tuman sudida Nargiza Yusupovaning ozodlikdan mahrum etish jazosi axloq tuzatish ishlariga almashtirildi.
Izoh (0)