Ўзбекистон республика товар-хом ашё биржаси барча савдо платформаларида 18—24 ноябрь кунлари 910,0 миллиард сўмлик битимлар тузилди. Биржа матбуот хизмати хабарига кўра, кичик бизнес ва тадбиркорлик субъектлари иштирокида тузилган битимларнинг умумий ҳажми 1,3 фоизга ўсиб 410,5 миллиард сўмни ташкил этди.
Шу жумладан, биржа савдоларининг ҳажми аввалги ҳафтага нисбатан 7 фоизга камайиб, 756,1 миллиард сўмни ташкил этган. Валюта савдо майдончаси орқали сотилган товарларнинг қиймати 2,2 миллион доллар бўлган. Экспортнинг таркибида пиролизли газолин улуши 53 фоиз, пахта толасининг улуши 31 фоиз, полимер маҳсулотлари 13 фоиз ва бошқа маҳсулотлар улуши 3 фоизни ташкил этган.
Кўриб чиқилаётган давр мобайнида онлайн аукцион орқали 972 та автомобиль рақамлари сотилган. Сотилган давлат рақам белгиларининг умумий суммаси қарийб 4,5 миллиард сўмни ташкил қилган. Рақобатли савдолар натижасида битимларнинг 19,4 фоизи биринчи тоифадаги авторақамларга, 48,1 фоизи иккинчи ва 32,4 фоизи учинчи тоифа авторақамларга тегишлидир.
Изоҳ (0)