Farg‘onada aliment to‘lovi bo‘yicha qarzdor shaxslar bilan o‘tkazilgan profilaktika va tushuntirish ishlari natijasida 2 880 ta oila yarashtirildi.
MIB matbuot xizmatining “Daryo”ga ma’lum qilishicha, bu haqda 25-noyabr, dushanba kuni MIB Farg‘ona viloyati boshqarmasida OAV vakillari hamda matbuot xizmati rahbarlari bilan 10 oylik faoliyat yakunlariga bag‘ishlangan matbuot anjumanida aytilgan.
Qayd etilishicha, aliment undirish to‘g‘risidagi ijro hujjatlari bo‘yicha doimiy ish o‘rniga ega bo‘lmagan qarzdor fuqarolarni ishga joylash va shu orqali aliment pullarini o‘z muddatida to‘lanishiga erishish maqsadida mehnat yarmarkalari tashkil etilib, 2019-yilning 10 oyi davomida 1 292 nafar qarzdor turli ishlarga joylashtirilgan.
Shuningdek, xodimlar tashabbusi bilan kam ta’minlangan va yordamga muhtoj oilalarning kommunal to‘lovlardan bo‘lgan qarzdorliklari homiylar tomonidan to‘lab berilmoqda. Xususan, 2019-yilning 10 oyi mobaynida 126 ta yordamga muhtoj oilaning 71,9 million so‘mlik qarzdorliklari homiylar tomonidan to‘lab berilgan.
Izoh (0)