Ўзбекистон Халқ таълими вазири Шерзод Шерматов Буюк Британиянинг Ўзбекистондаги фавқулодда ва мухтор элчиси Тимоти Торлотни қабул қилди. Бу ҳақда вазирлик томонидан хабар берилди.
Учрашув давомида элчи Ўзбекистонда олиб борилаётган халқ таълими соҳасидаги ислоҳотлар билан яқиндан танишди. Шунингдек, Ўзбекистон ва Буюк Британия ўртасида таълим соҳасидаги ҳамкорлик ва қўшма лойиҳаларни амалга ошириш масалалари кўриб чиқилди.
Таъкидланишича, Халқ таълими вазирлиги ва Британия кенгаши мактабларда инглиз тилини ўқитишни такомиллаштириш учун биргаликда ишламоқда. Учрашувда икки мамлакат ўртасидаги ҳамкорликни кенгайтириш, жумладан, экология масалалари ҳам муҳокама қилинди.
Изоҳ (0)