IIV Qorovul qo‘shinlari sobiq qo‘mondoni general-mayor Dmitriy Panga nisbatan jinoyat ishi qo‘zg‘atildi, deb xabar bermoqdi Bosh prokuratura matbuot xizmati.
Ma’lum qilinishicha, Harbiy prokuratura tomonidan 19-noyabr kuni IIV Qorovul qo‘shinlari sobiq qo‘mondoni general-mayor Dmitriy Panga nisbatan Jinoyat kodeksining 301-moddasi (Hokimiyatni suiiste’mol qilish, hokimiyat vakolatidan tashqariga chiqish yoki hokimiyat harakatsizligi) 1-qismi bilan jinoyat ishi qo‘zg‘atilgan. 23-noyabr kuni Dmitriy Pan Jinoyat kodeksining 301-moddasi 1-qismi bilan ayblanuvchi tariqasida jalb qilinib, Toshkent harbiy sudining ajrimiga asosan ehtiyot chorasi sifatida “qamoqqa olish” qo‘llanilgan. Tergov harakatlari olib borilmoqda.
Mavzuga doir: Ichki ishlar vaziri o‘rinbosari va Qorovul qo‘shinlari qo‘mondoni lavozimidan ozod etildi
Mavzuga doir: Qorovul qo‘shinlari qo‘mondoni Dmitriy Pan hibsga olingani haqidagi xabarlarga Bosh prokuratura izoh berdi
Izoh (0)