Эрон алоқа ва коммуникациялар вазири Муҳаммад Жавод Жаҳромий ҳам АҚШ санкция қўллаган мансабдорлар рўйхатига киритилди. Бу ҳақда 22 ноябрда АҚШ молия вазирлиги эълон қилган, деб ёзмоқда «Интерфакс».
Вазирга нисбатан қўлланилган ушбу чеклов меъёрлари унинг Эронда халқ намойишлари ўтказилаётган вақтда интернет-цензурага йўл очгани туфайли қўлланилган.
«Эронда аҳолига тақдим қилинадиган Интернет хизматларининг ваколатли органи Жаҳромий бошқарувидаги вазирлик ҳисобланади. Унинг бошқарувидаги идора Эрон ҳукумати таъкидлаганидек намойишлар вақтида миллий хавфсизликни таъминлаш мақсадида ноябрь ойида бир неча кун давомида ушбу алоқа хизматларини ўчириб қўйган», - дейилади АҚШ молия вазирлиги баёнотида.
Вазирликнинг қайд этишича, Жаҳромий Эронда Интернетга нисбатан зўравон цензурага асосланган сиёсатни амалга оширган ва норозилик билдираётган мухолифат вакилларининг яширинча кузатилишини ташкил этган.
АҚШ Эрон алоқа вазирининг барча ҳисоб рақамларини музлатиб қўйди, америкалик фуқароларга эса у билан ҳамкорлик қилиш тақиқланди.
АҚШ президенти Дональд Трамп Эрон ҳукуматининг Интернетни чеклаш орқали мамлакатда бўлаётган воқеа-ҳодисаларни дунё давлатларидан яширишни кўзлагани ҳақида гапирган.
Мавзуга доир:
Изоҳ (0)