2019-yilning 18-noyabr kuni Shveysariyaning “Symbiotics” investitsiya kompaniyasi Ipak Yo‘li bankiga o‘zbek so‘mida taqdim etiladigan 10 million AQSh dollari miqdorida yangi kredit liniyasini ajratdi.
Ahamiyatlisi shuki, “Symbiotics” ushbu yo‘nalish uchun mablag‘larni jalb qilish yo‘lida Lyuksemburg fond birjasida so‘mga denominatsiya qilingan maxsus obligatsiyalarini chiqargan. “Ipak Yo‘li” AIKBni moliyalashtirish uchun O‘zbekiston Respublikasining milliy valyutasida obligatsiyalarning chiqarilishi, xorijiy portfel investorlari va fondlarining O‘zbekiston bozoriga qiziqishini kuchaytiradi va mamlakatdagi investitsiya loyihalarini amalga oshirish uchun qo‘shimcha manbalarni jalb qilishda ko‘mak bo‘ladi.
Mamlakat xususiy sektorni qo‘llab-quvvatlash va O‘zbekiston iqtisodiyotidagi uning ulushini oshirish uchun jalb qilingan kredit liniyasi, kichik biznes va xususiy tadbirkorlik loyihalarini moliyalashtirishga mo‘ljallangan.
“Symbiotics” kompaniyasi 2004-yilda Jenevada ro‘yxatdan o‘tgan bo‘lib, rivojlanayotgan davlatlar uchun bozorni tadqiq qilish, investitsiyalar bo‘yicha maslahatlar va aktivlarni boshqarish sohalarida xizmatlarni taklif etadigan investitsiya kompaniyasidir.
2005-yildan beri “Symbiotics” 3,5 milliard dollardan ko‘proq investitsiya qildi va hozirda 70 dan ortiq rivojlanayotgan mamlakatlarda faoliyat yuritmoqda.
Reklama huquqi asosida.
Izoh (0)