2019 йилнинг 18 ноябрь куни Швейцариянинг «Symbiotics» инвестиция компанияси Ипак Йўли банкига ўзбек сўмида тақдим этиладиган 10 миллион АҚШ доллари миқдорида янги кредит линиясини ажратди.
Аҳамиятлиси шуки, «Symbiotics» ушбу йўналиш учун маблағларни жалб қилиш йўлида Люксембург фонд биржасида сўмга деноминация қилинган махсус облигацияларини чиқарган. «Ипак Йўли» АИКБни молиялаштириш учун Ўзбекистон Республикасининг миллий валютасида облигацияларнинг чиқарилиши, хорижий портфель инвесторлари ва фондларининг Ўзбекистон бозорига қизиқишини кучайтиради ва мамлакатдаги инвестиция лойиҳаларини амалга ошириш учун қўшимча манбаларни жалб қилишда кўмак бўлади.
Мамлакат хусусий секторни қўллаб-қувватлаш ва Ўзбекистон иқтисодиётидаги унинг улушини ошириш учун жалб қилинган кредит линияси, кичик бизнес ва хусусий тадбиркорлик лойиҳаларини молиялаштиришга мўлжалланган.
«Symbiotics» компанияси 2004 йилда Женевада рўйхатдан ўтган бўлиб, ривожланаётган давлатлар учун бозорни тадқиқ қилиш, инвестициялар бўйича маслаҳатлар ва активларни бошқариш соҳаларида хизматларни таклиф этадиган инвестиция компаниясидир.
2005 йилдан бери «Symbiotics» 3,5 миллиард доллардан кўпроқ инвестиция қилди ва ҳозирда 70 дан ортиқ ривожланаётган мамлакатларда фаолият юритмоқда.
Реклама ҳуқуқи асосида.
Изоҳ (0)