Eksport hajmini kengaytirish va bozor talabini qondirish maqsadida BENKAM kompaniyasi 2020-yilning 2-yarmiga qadar alyumin profillar ekstruziyasi uchun mo‘ljallangan qo‘shimcha uchta avtomatik presslarni ishga tushiradi.
2020-yilda BENKAM kompaniyasi ishlab chiqarish va alyumin profillarini yetkazish quvvatini yiliga 55 000 tonnagacha kengaytirishni rejalashtirdi. 2019-yilda maksimal ishlab chiqarish quvvati 36 000 tonnani tashkil etdi. Kelgusi yilga belgilangan yuqori ko‘rsatkichlar alyumin profillar ishlab chiqaruvchi va ularga qayta ishlov beruvchi qo‘shimcha uskunalarning joriy etilishi natijasida erishiladi.
Hozirda zavodda Italiya va Janubiy Koreyaning 1000, 2000 va 4000 tonnalik bosim kuchiga ega yuqori ishlab chiqarish quvvatli uchta press uskunalari ishlab turibdi. Ular xavfsizlik talablariga to‘liq javob berib, ish jarayonini tezlashtiruvchi va yuqori sifatni ta’minlovchi avtomatik boshqarish tizimi bilan jihozlangan.
Yangi uskunalar Janubiy Koreyaning SKM kompaniyasi mahsuloti bo‘lib, quyidagi xususiyatlarga ega:
- bosim kuchi 2000 tonna bo‘lgan alyumin ustunni o‘tkazish diametri 7 dyuymni tashkil etuvchi ikkita press kuniga 20 tonna tayyor mahsulot ishlab chiqarish quvvatiga ega;
- bosim kuchi 1000 tonna bo‘lgan alyumin ustunni o‘tkazish diametri 5 dyuymni tashkil etuvchi press kuniga 11 tonna tayyor mahsulot ishlab chiqaradi.
Qo‘shimcha uchta press interyer, deraza va fasad tizimlari, avtomobilsozlik, energetika, turar joy va savdo majmualarini qurish hamda boshqa sohalarda qo‘llaniladigan alyumin profillarni ishlab chiqarish hajmini kengaytirish imkonini beradi.
Ushbu uskunalarda ishlab chiqarishni amalga oshirish natijasida bozor sifatli mahsulot bilan ta’minlanadi, bu esa o‘z o‘rnida mamlakat sanoati va eksport salohiyatini sezilarli darajada rivojlantirish shroitini yaratadi. BENKAM kompaniyasida joriy etilgan ISO 9001, ISO 14001 va OHSAS 18001 xalqaro standartlari esa strategik muhim bitimlar tuzilishida ishonch muhitini ta’minlaydi.
Bugungi kunda dunyoda alyumindan tayyorlangan mahsulotlarga yuqori talab mavjudligini kuzatish mumkin. Ushbu omilni inobatga olgan holda, BENKAM Markaziy Osiyo va Yevropa ittifoqi davlatlari, Rossiya, AQSh va Kanadaga alyumin profillar eksportini yolga qo‘ygan.
www.benkam.be+ 998 71 203 01 01
Reklama huquqi asosida.
Izoh (0)